_Ima ampe enki uantaka ima orhejtsikuri sindical arhikata ch’kuantirhakuesti_
*Morelia, Michoacán, 27 de octubre del 2022.-* Juramuti imeri _SEE,_ p’inkusïnti enki eiampikua enki uantaka juarhiatikuarhu miércoles ima orhejtsïkuri imeri _Delegación DIII6 del SNTE, Juan Manuel Macedo Negrete_ arhikata, ch’kuantirhakuesti.
Uantajka enki jakasï 18 k’uirhipuecha enki nosi sïrantechani umenauanaka, iamintuecha k’uajchakuaxapti matarhu jorhemperichani, notarusï anchikuarhipirintia, minarhitperakua imeri anchikuarhitarakueri _centro de trabajo_ arhikata, enkisï menteru uetenapirhinka anchikuarhini ka tanimujku _altas interinas y gestión del área en la que laboran_ arhikata; artsi anchikuankuechankuni ima orhejtsikuri ch’kuantirasti.
No ma anchikuarhirinkuni jarhasti ma ampe ima enki no sesi ukuarhika, ka itku jorhemperakuecharhu, isï uantasti ima juramuti imeri _Personal y Nóminas, Pedro Gustavo Valenzuela_ arhikata, enki uantaka enki juramukuampu ampe no uati xarhatani ima _datos personales_ arhikatechani mantani anchikuarhiri, najki isekia uantasti enki xani enki uantapkasï ch’kuntirhakuesti, ka isi inkuni uni enki no sesi k’urankuarhipirinka.
Ka isi imani exeparini, uantasti enki uetarenchajka xaratani iamintu ampe enki unajka, ka isi uakasi kitatani k’uarhutperakuani, ka jimposi uanekua kunkuarhikuecha enkisi ampe umpka, arajchakupani imani ley arhikatani kanekua ikiastisï.
Ka itku ima juramuti jorhenkuarhikueri, p’imarhisïnti iamintuechani enki exejkasï ma ampe enki no sesi unanauka, eiampentakasï jima enki uenatikasi tsa anchikuarhicha, jimpoka kanekua jarhojpeakasï ka isï uni ampajpantani juramukuani, enki iontkiti xani no sesi jajpatinapka.
Juramukua ari erechikueri menki jauenani arhixati ampajpantani, ka _SEE_ itku uxati jimpoka kitataxati ampe enki iontkiti ukuarhimpka isi enki, meiapikua plazas arhikatecheri, meiamperakua sïrantecheri ka mataru mamaru ampecha
